UASHINGTON, 20 shkurt /ATSH-DPA/ – Presidenti amerikan Donald Trump bisedoi në telefon me kryeministrin japonez, Shinzo Abe dhe presidentin koreanojugor, Moon Jae In në kuadër të samitit që do të zhvillojë javën e ardhshme në Hanoi me liderin koreanoverior.
“Dy liderët ritheksuan mbështetjen e tyre për arritjen e një denuklearizimi përfundimtar dhe krejtësisht të verifikueshëm”, sipas një deklarate të bërë nga Shtëpia e Bardhë.
Në të dyja telefonatat, Trump kërkoi që të qëndrohet në kontakt të ngushtë me dy aleatët e SHBA-së pas samitit me liderin e Koresë së Veriut, Kim Jong Un, që do të jetë takimi i tyre i dytë ballë për ballë në më pak se një vit. /G.S/
