BRUMADINHO, 28 janar /ATSH-AFP/ – Bilanci provizor i katastrofës së Brumadinhos, në juglindje të Brazilit arriti në 58 të vdekur dhe 305 të zhdukur.
Kërkimet kanë rifilluar pas pezullimit nga frika se mund të shembet një digë e dytë.
“Aktualisht ka 58 të vdekur dhe 305 persona të shpallur të zhdukur, ky numër u rrit sepse u shtuan familjet që nuk ishin në listën fillestare”, deklaroi për median nënkoloneli Flavio Godinho, zëdhënës i mbrojtjes civile në shtetin Minas Gerais, i ngarkuar me organizimin e ndihmës.
“Për më tepër, numri i personave të vdekur me siguri që do të rritet, është zbuluar një autobus me një numër të pacaktuar trupash”, njoftoi ky zëdhënës.
Bilanci i i mëparshëm zyrtar ishte 37 të vdekur dhe 287 të zhdukur. /G.S/ a.jor.
