GREQI – Policia përdor gaz lotsjellës kundër mësuesve protestues

ATHINË, 15 janar /ATSH-ANSA/ – Për herë të dytë brenda një jave, policia greke përdori gaz lotsjellës për të shpërndarë një demonstrim të mësuesve, që u përpoqën të çanin kordonin e policisë pranë parlamentit grek.

Mësuesit kundërshtojnë propozimin e ligjit për rekrutimin në sektorin publik, për të cilin ata besojnë se është i papranueshëm, pas viteve të shkurtimeve dhe për më tepër penalizimin e kolegëve të moshuar.

”Një grua ka mbetur e plagosur nga përleshjet”, raporton shtypi grek.

Rreth 3 000 vetë morën pjesë në protestë duke ngritur postera ku kërkonin kontrata pune me kohë të papërcaktuar./   /os/ a.jor.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.