TIRANË, 15 janar/ATSH/ Rikthimi i plotë në funksionalitet të gjithë sistemit kullues dhe ujitës në territorin e Bashkisë Fier mbetet prioritet i punës së kësaj bashkie.
Aktualisht punime po kryhen në fshatin Metaj të Libofshës, por sipas Kryetarit të bashkisë së Fierit, Armando Subashi, “janë punë në vazhdim që nuk do të ndalen”.
“Çdo skemë e këtij sistemi plotësohet dita-ditës, për të garantuar në një kohë rekord funksionimin e humbur prej vitesh. Nuk jemi vetëm në Metaj, Libofshë, por në çdo njësi administrative dhe madje edhe në zonat më të thella. Është një proces që pason një tjetër, një tjetër … deri në urbanizimin e plotë të gjithë territorit”, u shpreh Subashi./m.m/
