TIRANË, 19 dhjetor/ATSH/ – Efektivja e policisë Ina Nuka, e cila u plagos gjatë protestës së zhvilluar para Parlamentit më 22 nëntor, kthehet së shpejti në Tiranë, pas mjekimit në Turqi.
Lajmin e ka dhënë ambasadori i Shqipërisë në Turqi, Genti Gazheli, i cili ka publikuar një foto me efektiven e forcave “Shqiponja”.
“Me efektiven e policisë Ina Nuka, e cila mbas disa ndërhyrjesh të vështira, por të suksesshme në spitalin Numune #Ankara, niset së shpejti për në Tiranë”, thotë Gazheli. /j.p/
