TIRANË, 11 dhjetor /ATSH/ – E ardhmja e James Rodriguez vazhdon të mbetet e paqartë.
Ylli kolumbian është i huazuar te “Bayern Munich” deri në fund të këtij sezoni.
Futbollisti kolumbian nuk është i lumtur tek “Bayern” dhe dëshira e tij është që të kthehet në Madrid.
Gjatë një emisioni sportiv në Spanjë, gazetari kolumbian Hugo Gatti zbuloi prapaskenat e yllit 27-vjeçar.
Për momentin, lojtari kolumbian po gjen shumë pak hapësira me trajnerin Niko Kovaç dhe kjo duket se e ka bindur që të largohet nga “Bayern”.
Gatti zbuloi dëshirën e James Rodriguez, i cili ka thënë: “Dëshiroj të kthehem te ‘Real Madridi’”.
Gjatë muajit janar pritet të merret vendimi nëse James do të qëndrojë në “Allianz Arena” apo do të kthehet tek “Reali”.
/gj.m/j.p/
