ATHINË, 6 dhjetor /ATSH-ANA/ – Numri i vdekjeve në trafikun rrugor në Greqi ka rënë gjatë viteve të krizës ekonomike, sipas shifrave të paraqitura nga Instituti i Shëndetit Publik të Kolegjit Amerikan të Athinës (IPHACA).
”Numri i viktimave në rrugë është zvogëluar me 52% për periudhën 2007-2017”, sipas statistikave.
Sipas Jorgos Janis, profesor në Sigurinë dhe Menaxhimin e Trafikut në Universitetin Kombëtar Teknik të Athinës dhe mjekut profesor Jorgos Baltopulos, ka katër arsye për këtë fenomen:
1 – reduktimi i numrit të përgjithshëm të automjeteve
2 – ndryshimi në modelet e sjelljes me makinën, pasi grekët kanë filluar ngarjen e ngadalshme për të reduktuar konsumin e karburantit
3 – rrjeti i përmirësuar rrugor
4 – fakti që drejtuesit e automjeteve po përdorin mjete më të avancuara teknologjikisht.
Megjithatë, numri i viktimave në aksidentet rrugore në Greqi është ende shumë më i lartë sesa mesatarja e BE-së, sipas një raporti faktik të Komisionit Evropian (i datës 10 prill 2018), 69 për një milion banorë, në vitin 2017./ /os/ a.jor.
