IZRAEL, 14 nëntor /ATSH-AFP/ – Kryeministri izraelit, Benjamin Netanyahu u vetëmbrojt përballë kritikave, pas armëpushimit të arritur në mënyrë jo të drejtpërdrejtë me lëvizjen islamike palestineze ”Hamas” në Rripin e Gazës.
‘’Në periudhat e jashtëzakonshme, publikut nuk mund t’i besohen gjithnjë sekrete të vendimeve të rëndësishme për sigurinë e vendit, arsye që duhet të mbeten sekrete për armikun’’, tha ai.
”Armiqtë tanë na kanë kërkuar me këmbëngulje të pranonim këtë armëpushim dhe ata e dinë shumë mirë përse e kanë bërë”, theksoi Netanyahu.
Netanyahu e mbajti këtë deklaratë në Sde Boker (jug) gjatë një ceremonie në nderim të kujtimit të David Ben Gourion, një prej etërve themelues të shtetit të Izraelit.
Ai po përballet me kritikat e banorëve izraelitë të periferisë së Rripit të Gazës dhe anëtarëve të koalicionit të tij qeverisës pas njoftimit të një armëpushimi që i jep fund konfrontimit më të ashpër midis ushtrisë izraelite dhe grupeve të armatosura palestineze prej luftës së 2014./ /v.b/ a.jor.
