BERLIN, 14 nëntor /ATSH-AFP/ – Rritja ekonomike gjermane ka pësuar një stopim të pazakontë në tremujorin e tretë, me një rënie prej 0,2% të PBB-së në raport me tre muajt e mëparshëm, e ndikuar kryesisht nga tregtia e jashtme, njoftoi sot Zyra Federale e Statistikave, Destatis.
Ky tregues shumë i pritshëm u jep fund 16 tremujorëve të njëpasnjëshëm të rritjes ekonomike të regjistruar prej fillimit të 2015.
Kjo nuk shënon sigurisht recesion, që hamendëson dy tremujorë të njëpasnjëshëm me tkurrje të PBB-së, por rënia është më e madhe se ajo e 0,1% që ishte parashikuar nga ekonomistët e pyetur nga ofruesi i shërbimit financiar ”Factset”.
Për gjithë harkun kohor të 2018, Gjermania pritet gjithsesi të regjistrojë vitin e dhjetë radhazi të një përshpejtimi të ritmit të rritjes ekonomike, por me një ritëm më të ulët se vitin e kaluar, që u paraqit nga një rritje prej 2,2% të PBB-së./ /v.b/ a.jor.
