BRUKSEL, 13 nëntor /ATSH-DPA/- Reformat e diskutueshme gjyqësore dhe antikorrupsion të Bukureshtit do të shqyrtohen sot nga Brukseli, ndërsa Komisioni Europian publikoi një raport mbi sundimin e ligjit në Rumani, bëri të ditur shtypi vendas.
Komisioni do të publikojë edhe një raport për Bullgarinë, që së bashku me Rumaninë, u anëtarësua me Bashkimin Europian në 2007.
Të dy shtetet u mbikëqyrën nga Brukseli nën një mekanizëm të pashembullt duke u mohuar praninë në zonën Schengen për shkak të problemeve në sundimin e ligjit.
Gjetjet mbi Rumaninë do të kenë një rezonancë të jashtëzakonshme, pasi Bukureshti do të marrë përsipër presidencën e radhës së BE-së më 1 janar 2019.
Zyrtarët e BE thonë se qeveria rumune, e udhëhequr nga socialdemokratët po bën hapa pas në çështjet e korrupsionit dhe pavarësinë e gjyqësorit.
Reformat e fundit rumune do të ulin moshën e daljes në pension të gjyqtarëve dhe prokurorëve.
Në tetor, nënkryetari i Komisionit, Frans Timmermans dënoi masën dhe tha se rishikimet e amendamenteve të Kodit Penale rumun e bënin luftën kundër korrupsionit edhe më të vështirë.
Qeveria rumune gjithashtu ka qenë objekt diskutimi për miratimin e ligjeve që kufizojnë fuqinë e saj agjencisë së saj kundër korrupsionit, DNA.
Në gusht, mijëra protestues mbushën rrugët e Bukureshtit dhe qytete të tjera të rëndësishme rumune duke u bërë thirrje udhëheqësve të qeverisë të jepnin dorëheqjen.
Presidenti rumun, Klaus Iohannis tha se qeveria nuk është gati për të drejtuar presidencën e BE.
Ai ka kërkuar që udhëheqësit e saj socialdemokratë të japin dorëheqjen./ /os/ a.jor.
