BRUKSEL, 13 nëntor /ATSH-AFP/ – Sekretari i përgjithshëm i NATO-s, Jens Stoltenberg kritikoi sot programin e zhvillimit të raketave me rreze të mesme veprimi të Kinës dhe i kërkoi Pekinit që t’i bashkohej aleancës në kuadër të kontrollit ndërkombëtar të këtyre lloj armatimeve.
“Ne vëmë re se Kina ka investuar në mënyrë të konsiderueshme në prodhimin e armëve të reja dhe moderne, përfshirë edhe raketat, ndërkohë që gjysma e këtyre raketave shkelin traktatin INF nëse Kina do të ishte firmëtare”, deklaroi Jens Stoltenberg në një intervistë për kanalin televiziv publik gjermane ZDF.
Stoltenberg i referohej armëve bërthamore me rreze të mesme veprimi (Forca Bërthamore e Ndërmjetme, INF), një traktat i nënshkruar në 1987 nga krerët amerikanë dhe sovjetikë të asaj kohe, Ronald Reagan dhe Mihail Gorbaçov, që synonte eliminimin e raketave që lëshohen nga toka dhe kanë një rreze nga 500 deri në 5 000 kilometra./ /G.S/ a.jor.
