TIRANË, 12 nëntor /ATSH/ – Nëntori i Teatrit Shqiptar u organizua me mbështetjen e Ministrisë Federale për Europën, Integrimin dhe Punët e Jashtme të Austrisë dhe bashkëpunimin e Teatrit VolksMargareten në Vjenë.
Në ditën e parë të Nëntorit Shqiptar u shfaq pjesa teatrale novatore poezi, lexim artistik dhe balet konteporan i autores Elona Culic dhe mjeshtrit të kërcimit kontemporan Bashkim Sula “I, the City”.
Për dy ditë me radhë u shfaq me sukses gjithashtu pjesa “Shamia” e grupit të baletit kontemporan “Dance Theater“ drejtuar nga Gjergj Prevazi dhe performancën e shkëlqyer të balerinëve Elton Cefa, Rosella Pellicciotti, Fjorald Doci, Semela Skënderasi.
Pas të dy shfaqjeve vijoi një diskutim interesant me publikun austriak dhe përfaqësues të Diasporës Shqiptare në Austri, të cilët ndoqën me interes performancën me nivel të lartë artistik të trupës teatrale nga Shqipëria.
Ishin të pranishëm Drejtori për Europën Juglindore në Ministrinë Federale për Europën, Integrimin dhe Punët e Jashtme të Austrisë, ambasadori Klaus Woelfer dhe ambasadori i Shqipërisë në Austri, Roland Bimo.
Aktiviteti i organizuar në kuadrin e vitit të kulturës Austri-Shqipëri ishte një tjetër ngjarje e shënuar në shkëmbimet kulturore midis të dy vendeve.
/gj.mima/ /a.g/
