TIRANË, 8 nëntor /ATSH/ – “Zonja e Vjetër” është në kërkim të një portieri për sezonin tjetër.
Pas largimit të Gianluigi Buffon drejt PSG-së, te “Juventus” portier i parë është Wojciech Szczesny, kurse nga “Genoa” kanë transferuar Mattia Perin.
Sipas Calciomercato, trajneri Massimiliano Allegri ka kërkuar që në skuadër të vijë edhe një portier i kalibrit të lartë.
Bëhet fjalë për Keylor Navas, i cili ka humbur vendin e titullarit që nga ardhja e Thibaout Courtois nga “Chelsea” këtë verë.
“Juventus” pritet të përgatisë një ofertë që ta bind përfaqësuesin e Kosta-Rikës, t’i bashkohet bardhezinjve.
/gj.m/ /a.g/
