ANKARA, 1 nëntor /ATSH-AFP/ – Agjencia shtetërore turke e lajmeve ”Anadolu” njoftoi se forcat e armatosura turke dhe amerikane nisën sot patrullimet e përbashkëta në Minbej, një qytet në veri të Sirisë, i dominuar nga një milici kurde e konsideruar si ”terroriste” nga ana e Turqisë, por aleate e SHBA-së.
”Patrullimi i përbashkët midis forcave të armatosura turke dhe amerikane në Minbej nisi sot rreth orës 15:53 (12H53 GMT)”, deklaroi ministri turk i Mbrojtjes, Hulusi Akar, cituar nga ”Anadolu”.
Patrullimi vijon deri në afërsi të lumit Sajur, një zonë që shtrihet midis Minbej dhe Jarablous, një qytet i kontrolluar nga rebelët e mbështetur nga Ankaraja, sipas Anadolu./ /v.b/
