SHBA – Dy destrojerë amerikanë në Ngushticën e Tajvanit

UASHINGTON, 23 tetor /ATSH-AFP/ – Dy destrojerë amerikanë u futën të hënën në Ngushticën e Tajvanit, që ndan Kinën nga ishulli, në një moment përshkallëzimi të tensioneve midis Pekinit dhe Uashingtonit, njoftoi një zëdhënës i Pentagonit.

”USS Curtis Wilbur” dhe ”USS Antietam” kryen një kalim tranzit rutinë në këtë zonë detare rreth 180 kilometrash të gjerë”, sqaroi koloneli Manning gjatë një konference shtypi.

Ky kalim tranzit në ujërat ndërkombëtare, në drejtim të verilindjes dëshmon angazhimin e SHBA-së kundrejt një rajoni indiano-paqësor të lirë dhe të hapur.

Kjo është hera e dytë brenda një harku tre mujor që anije luftarake amerikane kalojnë tranzit përmes Ngushticës së Tajvanit, në një moment të pretendimeve të Pekinit në Detin e Kinës Jugore, ndërsa Uashingtoni kryen rregullisht operacionet e koduara “Liria e lundrimit” po përshkallëzojnë tensionet midis Kinës dhe SHBA-së./ /v.b/ a.jor.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.