PEKIN, 8 tetor /ATSH-DPA/ – Autoritetet kineze njoftuan se ish-shefi i Interpolit, Meng Hongwei është nën hetim për korrupsion, që ka të bëjë me pranimin e ryshfeteve dhe aktiviteteve të tjera të përcaktuara si të paligjshme.
”Meng, i cili dha dorëheqjen nga organizata ndërkombëtare e policisë, është nën hetim nga vëzhguesi antikorrupsion i vendit”, sipas një deklarate të Ministrisë kineze të Sigurisë Publike.
”Hetimi i Meng tregon se Partia Komuniste në pushtet dhe presidenti Xi Jinping është e angazhuar për luftën kundër korrupsionit”, thuhet në deklaratë.
Xi ka goditur ashpër korrupsionin që kur erdhi në pushtet në vitin 2012 duke pushuar zyrtarë të të gjitha niveleve të qeverisë për abuzime me detyrën.
“Nuk ka asnjë privilegj dhe asnjë përjashtim përpara ligjit. Kushdo që shkel ligjin duhet të dënohet rëndë”, theksoi ministria./ /os/ a.jor.
