UASHINGTON, 14 shtator /ATSH-AFP/ – Pentagoni protestoi sot kundër fluturimit në zonën ajrore të mbrojtjes amerikano-veriore të dy bombarduesve ruse një ditë më parë, duke vlerësuar se ata nuk po fluturonin në kuadër të manovrave ushtarake ruse “Vostok-2018”.
Dy bombardues rusë u interceptuan nga avionët luftarakë amerikanë të martën në mbrëmje në hapësirën ajrore ndërkombëtare që ndodhet në perëndim të Alaskës, që i shoqëruan deri sa ata dolën nga zona që identifikohet si hapësira ajrore mbrojtëse amerikano-veriore.
“Dy avionët bombardues strategjikë me helika model Tu-95 Bear, të shoqëruar nga dy avionë luftarakë ruse Su-35, u identifikuan vizualisht dhe interceptuar nga dy avionë luftarakë F-22 në Norad, që ndodhet në Alaskë”, theksoi të mërkurën komanda e sigurisë ajrore e SHBA-së dhe Kanadasë (NORAD) në një komunikatë.
“Avionët ruse qëndruan në hapësirën ajrore ndërkombëtare dhe në asnjë çast nuk hynë në hapësirën ajrore amerikane apo kanadeze”, shtoi NORAD që mbikëqyr hapësirën ajrore të SHBA-së dhe Kanadasë./ /G.S/ a.jor.
