PRISHTINË, 25 gusht/ATSH/- Në Kosovë gjatë ditës së sotme do të ketë mot me diell, ku temperaturat maksimale do të arrijnë deri në 31 gradë Celsius, kurse e diela do të jetë me shi, njofton Instituti Hidrometeorologjik i Kosovës.
Situata sinoptike vazhdon të mbetet e pandryshuar edhe ditën e shtunë, ndërsa ditën e dielë do të ketë mot të paqëndrueshëm me vranësira dhe ulje të lehta të temperaturave në vlerat maksimale.
Instituti Hidrometeorologjik i Kosovës bën të ditur se vranësirat pasdite do të jenë në zhvillim e sipër dhe si të tilla do të mundësojnë që në shumë territore të vendit të ketë reshje shiu të shoqëruara me shkarkime rrufesh.
Temperaturat minimale do të lëvizin ndërmjet 13-15 gradë Celsius, ndërsa maksimalet e ditës parashihet të lëvizin ndërmjet 27-31 gradë Celsius.
Do të fryjë erë nga drejtimi i juglindjes me shpejtësi 1-7m/s./KosovaPress/k.s/
