ZAGREB, 15 gusht /ATSH-AFP/ – Portieri i kombëtares kroate të futbollit, Danijel Subashiç, nënkampion bote, njoftoi sot tërheqjen e tij nga kombëtarja, në moshën 33-vjeçare, një ditë pasi u tërhoq Mario Manxukiç.
“Koha ka ardhur pas 10 vitesh në radhët e kombëtares që t’i them lamtumirë fanellës më të çmuar”, shkruan portieri në një letër të hapur të publikuar sot nga Federata Kroate e Futbollit.
“E kam marrë këtë vendim shumë më parë nga Botërori sepse ëndrra ime ishte që të mbyllja karrierën time me kombëtaren gjatë këtij kampionati. Ajo në Rusi ishte faqja më emocionuese e karrierës sime (…) faleminderit të gjithëve”, shtoi portieri i Monakos.
Subashiç filloi karrierën e tij me kombëtaren në vitin 2009.
I lënë në stol për një kohë të gjatë nga portieri kryesor Stipe Pletikosa, ai u bë titullar duke filluar nga viti 2014, derisa u bë një prej heronjve të ”epopesë” në Rusi, ku ky grup arriti rezultatin më të mirë në historinë e Kroacisë./ /G.S/ a.jor.
