TIRANË,7 gusht /ATSH/ – Qyetarët beratas përjetuan mbrëmjen e djeshme emocione të veçanta nëpërmjet muzikës së filmave më të njohur shqiptar, por dhe të huaj. Mbrëmja artistike është ngjizur bukur me freskinë dhe pamjen që ofroi nga pedonalia e qytetit lagjia muzeale “Mangalem”.
Për më tepër se një orë qytetarët, por dhe vizitorë të shumtë kanë shijuar muzikën instrumentale.
“Tinguj kinemaje” koncerti i Orkestrës Simfonike të RTSH-së, me drejtor artistik Aristidh Prosi dhe dirigjent Gridi Kraja, solli për publikun muzikën e filmave të njohur si ” Lulkuqet mbi mure”, “Rrugë të bardha”, “Mësonjëtorja”, etj.
Dirigjenti i kësaj orkestre Gridi Kraja, u shpreh se publiku ishte i mrekulleshëm në këtë qytet.
Ky koncert, u mbështet nga bashkia e Beratit në bashkëpunim me Qendrën Kulturore dhe mbajti të mbërthyer artdashësit beratas fal interpretimit me nivel të lartë artistik të instrumentistëve të talentuar të kësaj orkestre.
Muzika e filmave u shoqërua me shfaqjen e fragmente të tyre në video-projektor./a.a/ /a.g/
