AKU bllokon 2 kontenierë me 50.2 tonë mish importi

TIRANË, 3 korrik /ATSh/ – Autoriteti Kombëtar i Ushqimit (AKU) ka bllokuar dy kontenierë me 50.2 tonë mish, të importuara nga Brazili, pasi nga analizimi i mostrave u konstatuan me prezencë “salmonella”.

Po vijojnë procedurat për kthimin në origjinë të produktit.

Ministria e Bujqësisë bën të ditur se, se ka në kuadër të masave të gjithanshme për forcimin e kontrollit efikas në garantimin e sigurisë ushqimore në tregjet e vendit, AKU ka vijuar me kontrollet rigoroze të ngarkesave me produkte shtazore nga importi.

Gjatë këtij viti nga AKU-ja janë bllokuar e kthyer në origjinë edhe 5 kontenierë të tjerë, me 130 tonë mish. Numri total i ngarkesave të importuara nga Brazili gjatë kësaj periudhe të vitit është 195 kontenierë; secili prej të cilëve është kontrolluar e analizuar me rigorozitet.

Kontrollet efikase të shoqëruara me cilësinë e analizave janë garanci e plotë, që produktet që futen në treg janë të sigurta. e.xh/ /a.g/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.