MOSKË, 2 korrik /ATSH-ANSA/ – Kremlini theksoi sot se çështja e njohjes së Krimesë si pjesë e Rusisë nuk mund të jetë në axhendën e marrëveshjeve ndërkombëtare.
Dmitri Peskov, zëdhënësi i Kremlinit, komentoi kështu deklaratën e presidentit amerikan, Donald Trump i cili tha se në takimin e nivelit të lartë me homologun e tij rus, Vladimir Putin do të flitej për çështjen e Krimesë duke mos përjashtuar mundësinë e njohjes nga Uashingtoni.
Putin ka përsëritur dhe konfirmuar se çështja e Krimesë nuk mund dhe nuk do të jetë kurrë në rendin e ditës sepse Krimeja është pjesë integrale e Rusisë./ /os/ a.jor.
