SHKUP, 13 qershor / ATSH-ANSA/ – Zgjati vetëm dy minuta takimi i sotëm mes presidentit maqedonas, Gjorgje Ivanov, kryeministrit Zoran Zaev dhe ministrit të Jashtëm Nikola Dimitrov, të cilat kishin për temë marrëveshjen me Greqinë për çështjen e emrit.
Republika e Maqedonisë së Veriut do të jetë emri i ri i saj.
Ivanov nuk kishte qënë kurrë dakord me mënyrën me të cilën u arrit marrëveshja me Greqinë dhe pas dy minutave u ngrit dhe u largua, pa pritur që t’i shpjegoheshin detajet e marrëveshjes.
Sot presidenti Ivanov do të mbajë një fjalim drejtuar kombit.
Presidenti Ivanov është kundër ndryshimeve kushtetuese dhe emrit të ri ‘’Maqedonia e Veriut’’.
Këto ndryshime do të sjellin vështirësi në miratimin e saj nga parlamenti maqedonas dhe më pas për t’u firmosur Ivanov.
Kryeministri Zaev tha se në vjeshtë do të ketë një referendum, ku do të konfirmohet marrëveshja me Greqinë./ /os/ a.jor.
