BERLIN, 12 qershor /ATSH-AFP/ – Çështja migratore rikthehet në burim shqetësimi për kancelaren gjermane, Angela Merkel në formën e një mosmarrëveshjeje brenda qeverisë gjermane për pritjen e azilkërkuesve, pikërisht në momentin kur kancelarja po përpiqet të sigurojë një plan të veprimit europian.
Çështja, mjaft delikate në Gjermani që kur Merkel hapi kufijtë në vitin 2015 dhe në 2016 për më shumë se një milion migrantë, rikthehet rregullisht të trazojë koalicionin në pushtet, pasi shumë anëtarë në kampin e saj konservator e kritikojnë për bujarinë e treguar.
Të hënën, qeveria përjetoi presion, në formën e një mosmarrëveshje të thelluar mes kancelares dhe ministrit të saj të Brendshëm, konservatorit bararez, Horst Seehofer, i cili kërkon të paraqesë një reformë të thellë dhe kufizuese për çështjen e pranimit të azilkërkuesve.
Në mungesë të një dakortësie me Angela Merkel, këtij të fundit iu desh të shtynte deri në një datë të pacaktuar planin e tij dhe sipas disa mediave gjermane është i gatshëm të dalë kundër shefes Merkel./ /v.b/ a.jor.
