VJENË, 16 maj /ATSH-AFP/ – Shefi i organizmit të OKB-së për mbikëqyrjen e ndalimit të testeve bërthamore njoftoi sot se është i gatshëm të dërgojë një ekip në Korenë e Veriut për të verifikuar efektivitetin e çmontimit të zonës së testimeve bërthamore sikurse është premtuar nga Pheniani.
Lassina Zerbo, sekretari ekzekutiv i Organizatës së Traktatit të Ndalimit të Plotë të Testeve Bërthamore (CTBTO), deklaroi se “presoneli i institucionit të tij, që ka selinë në Vjenë, ka ekspertizën e nevojshme, një teknologji unike të verifikimit dhe kredibilitetin ndërkombëtar të nevojshëm për të konfirmuar dhe mbikëqyrur mbylljen e Punggye-ri (zona koreanoveriore e testeve atomike)”.
Koreja e Veriut njoftoi javën e fundit se do të çmontojë këtë zonë gjatë një ceremonie të parashikuar më 23 dhe 25 maj. /G.S/
