PRISHTINË, 3 maj/ATSH/.- Kryetari i Partisë Demokratike të Kosovës, Kadri Veseli, u ka dërguar sot ftesë krerëve të partive politike, për një tryezë diskutimi që ka për qëllim arritjen e konsensusit politik për axhendën shtetërore të Republikës së Kosovës.
Takimi i thirrur nga kryetari Veseli do të mbahet ditën e martë, 8 maj, në Kuvendin e Kosovës.
Në këtë tryezë, kryetari Veseli ka propozuar të diskutohet për çështjet më prioritare për shtetin, me theks të veçantë për: fazën përfundimtare të dialogut për normalizimin e marrëdhënieve Kosovë-Serbi; hartimin e Statutit për shoqatën e komunave me shumicë Serbe, axhendën e Integrimeve Europiane; formimin e Ushtrisë së Kosovës dhe reformën zgjedhore.
Kryetari Veseli, ditë me parë, ka prezantuar edhe propozim-platformën për konsensus rreth këtyre temave./k.s/
