Zhytësit në FA të "armatosur" me kurajo, trimëri e përkushtim
Kontributi i zhytësve në FA është mjaft i çmuar, veçanërisht në operacione të ndryshme shpëtimi në det, lumenj apo liqene. Ministrja e Mbrojtjes, Olta Xhaçka, përmes një video-mesazhi tregon se, në FA zhytësit janë të “armatosur” me përkushtim, aftësi, trimëri dhe kurajo për të qenë gati në çdo situatë të vështirë kur kërkohet ndërhyrja e tyre”.https://ata.gov.al/2018/04/24/zhytesit-ne-fa-te-armatosur-me-kurajo-trimeri-e-perkushtim/
Posted by Agjencia Telegrafike Shqiptare on 24.04.2018
TIRANË, 24 prill /ATSH/ – Kontributi i zhytësve në Forcat e Armatosura të Shqipërisë është mjaft i çmuar, veçanërisht në operacione të ndryshme shpëtimi në det, lumenj apo liqene.
Ministrja e Mbrojtjes, Olta Xhaçka, përmes një video-mesazhi tregon se, në FA zhytësit janë të “armatosur” me përkushtim, aftësi, trimëri dhe kurajo për të qenë gati në çdo situatë të vështirë kur kërkohet ndërhyrja e tyre”.
Qendra e zhytjeve dhe zhytësit e saj të talentuar kanë zhvilluar operacione të ndryshme, me rrezikshmëri të lartë për jetën e tyre, si në HEC-et e Komanit, Fierzës, Vaut të Dejës, bllokimin e portës së Liqenit të Tiranës, (kur ndodhi përmbytja në Tiranë), zhbllokimin e rezervuarit në Postribë, Shkodër, Dukaj të Tepelenës, Bunavi, etj.
Po ashtu, ata kanë kryer ndërhyrje të shumta dhe në operacione shpëtimi në det, lumenj apo liqene./a.f//m.m/
