PRISHTINË, 23 prill /ATSH/ – “Kosova është pjesë e botës ku me ligj mbrohet e drejta e autorit. Institucionet tona kulturore dhe arsimore duhet të bëjnë edhe më shumë për ta përkrahur librin, botuesin dhe lexuesin”, tha sot Presidenti i Kosovës Hashim Thaçi.
Në një status në Facebook në Ditën Ndërkombëtare të Librit, Thaçi shprehet se “Dita Ndërkombëtare e Librit na kujton vlerën universale të librit si mjet i patejkalueshëm i dijes, shkencës, letërsisë, artit dhe komunikimit njerëzor. Përveç botimit, leximit dhe promovimit të librit, na fton për të mbrojtur të drejtën e autorit, përkatësisht vlerësimin e integritetit të krijuesve të vlerave të dijes dhe asaj shpirtërore”. /k.s/
