BERLIN, 7 prill /ATSH-DPA/ – Spanja duhet të respektojë demokracinë dhe marrëveshjet ndërkombëtare si edhe t’u bindet rezolutave të OKB-së duke liruar të burgosurit politikë, kërkoi sot ish-presidenti katalanas, Carles Puigdemont, gjatë një konference shtypi në Berlin.
Puigdemont i bëri thirrje Madridit për negociata bazuar në respektin reciprok lidhur me përpjekjet e Katalonjës për pavarësi, çka detyroi qeverinë spanjolle të merrte masa dhe të kërkonte kthimin me forcë të Puigdemont në vend.
Lideri separatist katalanas dhe ish-presidenti, Carles Puigdemont u lirua nga burgu në Gjermani pasi fitoi lirim me kusht.
Prokurori publik i shtetit verior të Schleswig-Holstein njoftoi sot lirimin e menjëhershëm pasi u pagua garancia prej 75 000 eurosh.
Puigdemont u arrestua pas një urdhërarresti europian të nxjerrë nga Madridi, ku kërkohej ekstradimi i tij në Spanjë me akuzën për rebelim dhe keqpërdorim të fondeve publike në lidhje me referendumin e pavarësisë së Katalonjës, vitin e kaluar./ a.jor.
