Basha: Do vijojmë protestat, të lirohen të ndaluarit

TIRANË, 6 Prill /ATSH/- Partia Demokratike nuk do t’i ndalë protestat deri në lirimin e qytetarëve të arrestuar nga policia nën akuzën e “Shkatërrimit të Pronës Publike” dhe “Dhunës ndaj Policisë”, gjatë protestës te “Rruga e Kombit”.

Kryedemokrati Lulzim Basha në komunikim me mediat nga selia e Partisë Demokratike,  tha se protesta e kuksianëve ishte për mbijetesë. Ai duke iu referuar hetimit të nisur për një grup deputetësh të opozitës lidhur me bllokimin në mënyrë të paligjshme të katër akseve rrugore, u shpreh se ndihet krenar.

“Jam krenar që po hetohemi! Edi Rama nuk arrin të kuptojë hallet e qytetarëve. U bëj thirrje qytetarëve të vazhdojnë kryengritjen qytetare, për t’i dhënë fund një shteti të privatizuar nga Edi Rama. Nuk do të ndalemi derisa të lirohen qytetarët e lënë në burg dhe të hiqet taksa e ‘Rrugës së Kombit’, tha Basha /a.f/ /a.g/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.