UASHINGTON, 28 mars /ATSH-AFP/ – Uashingtoni përshëndeti sot rinegocimin e traktatit të tregtisë së lirë me Korenë e Jugut (KORUS) duke nënvizuar se bëhej fjalë për një moment historik në politikën tregtare të SHBA-së.
“SHBA-ja dhe Koreja e Jugut arritën në një marrëveshje në parim për një KORUS të ri, pas diskutimeve intensive”, theksuan zyrtarët e lartë të Shtëpisë së Bardhë duke konfirmuar kështu një informacion të njoftur një ditë më parë nga ministri koreano-jugor i Tregtisë, Kim Hyon-chong.
“Kur kjo marrëveshje të finalizohet, do të jetë traktati i parë i rinegciuar me sukses në historinë amerikane”, konfirmuan ata.
Seuli theksoi dje se finalizimi i traktatit të rishikuar do të vinte së shpejti.
Ekonomia koreano-jugore është e varur ndjeshëm nga tregtia e jashtme dhe SHBA-ja është partneri i dytë tregtar i Seulit./ /ec/ a.jor.
