BRUKSEL, 27 mars /ATSH-DPA/ – NATO dëboi sot shtatë diplomatë rusë në lidhje me helmimin e ish-agjentit të dyfishtë rus, Sergei Skripal, deklaroi sekretari i përgjithshëm i aleancës, Jens Stoltenberg.
NATO gjithashtu bllokoi edhe akreditimin e tre diplomatëve të tjerë rusë.
Aleanca e Atlantikut Verior u bashkohet kështu dhjetëra shteteve të tjera që kanë dëbuar ditët e fundit një numër të konsiderueshëm diplomatësh rusë, ku veçohen Britania e Madhe me 23 dhe SHBA me 48./ a.jor.
