BERLIN, 22 mars /ATSH-ANA-MPA/ – Qeveria gjermane refuzoi të komentojë mbi njoftimet, sipas të cilave kancelarja gjermane, Angela Merkel kishte diskutuar me presidentin turk, Recep Tayyip Erdogan mbi ndalimin e dy ushtarakëve grekë nga ana e autoriteteve turke, pranë kufirit mes dy vendeve.
“Parimisht, qeveria gjermane nuk jep informacion mbi përmbajtjen e bisedimeve konfidenciale të kancelares”, deklaroi një zëdhënës për agjencinë greke të lajmeve, ANA-MPA.
Zëdhënësi iu referua një deklarate të zëdhënësit të qeverisë gjermane, Steffen Seibert, i cili, duke iu përgjigjur një pyetjeje të ANA-MPA mbi përshkallëzimin e tensionit mes Greqisë dhe Turqisë, tha se Gjemania ishte e interesuar që të kishte sa më pak tension të ishte e mundur.
Ai shtoi se në të kaluarën, bisedimet direkte mes dy vendeve kishin arritur të zgjidhnin problemete shfaqura.
Ndërkohë, gazeta gjermane ”Handelsblatt” njoftoi se Merkel po përpiqej të ndërmjetësonte në problemin e fundit mes dy vendeve./ a.jor.
