TIRANE, 8 Mars/ATSH/- Reshje të dendura shiu kanë përfshirë të gjithë vendin duke shkaktuar probleme kryesisht në Vaun e Dejës, në qarkun e Shkodrës.
Ministria e Mbrojtjes bëri të ditur se Forcat e Armatosura janë në terren në ndihmë të komunitetit.
Përmes një postimi në rrjetin social ‘facebook’ ministrja e Mbrojtjes, Olta Xhaçka informon se Forcat e Armatorura kanë shpërndarë pako me ushqime për banorët e prekur nga reshjet
“420 pako me ndihma ushqimore po shpërndahen nga efektivët e batalionit të parë të këmbësorisë së Vaut të Dejës dhe batalionit të Mbështetjes Rajonale për familjet që po kalojnë vështirësitë e motit të keq”, shkruan Xhaçka.
/a.gjonaj//e.caushi/
