MOSKË, 5 mars /ATSH-AFP/ – Trajneri i ”Manchester United”, Jose Mourinho do të komentojë Botërorin 2018 për kanalin publik rus RT (ish-“Russia Today”), njoftoi sot kanali televiziv në një komunikatë.
“Trajneri i famshëm portugez, Jose Mourinho, që mban pseudonimin ‘Special One’ dhe që ka drejtuar ekipet më të mëdha të botës, do t’i bashkohet ekipit të RT-së”, njoftoi kanali rus në faqen e tij të internetit.
“Ai do të ndajë opinionet prej eksperti, dijet dhe eksperiencën e tij mbi futbollin me spektatorët e RT-së”, thuhet në këtë komunikatë.
Sipas citimeve të kanalit rus, “Jose Mourinho shprhet shumë i kënaqur me faktin se do të jetë pjesë e ekipit të RT-së. Do të ndaj me kënaqësi përshtypjet e mia mbi ndeshjet e futbollit”./ /G.S/ a.jor.
