PRISHTINË, 1 nëntor /ATSH/ Presidentja Vjosa Osmani priti sot në takim presidentin e NDI-së Derek Mitchell, me të cilin ka biseduar për rolin dhe punën e NDI-së në Kosovë, si dhe mundësitë për bashkëpunim në të ardhmen.
Osmani me këtë rast vlerësoi lart angazhimin e NDI-së në Kosovë në mbështetjen e proceseve demokratike në vend.
“Puna profesionale e NDI-së ka rezultuar në fitimin e besimit të institucioneve të Kosovës dhe qytetarëve”, u shpreh ajo.
Palët diskutuan për modalitetet e bashkëpunimit të mëtejmë, duke u angazhuar për vazhdim të bashkëpunimit dhe identifikim të fushave të reja për fuqizim të demokracisë në vend.
