TIRANË 4 tetor /ATSH-I.Vata/ Në drejtimin e kryetares Jorida Tabaku, komisioni për Integrimin Evropian zhvilloi sot mbledhjen e tij të parë për legjislaturën e re parlamentare.
Kryetarja e Komisionit për Integrimin Evropian, Tabaku në fjalën e saj i uroi anëtarëve një sesion të mbarë parlamentar dhe vazhdoi me konstituimin e përbërjes së komisionit.
Po ashtu, edhe nënkryetarja e këtij komisioni Etilda Gjonaj theksoi punën e rëndësishme dhe rolin që luan ky komision për të hyrë në axhendën e integrimit evropian.
Më tej, kryetarja njoftoi kalendarin e punimeve të komisionit për periudhën 27 shtator–15 tetor 2021 që u miratua me shumicë votash. Mbledhja u zhvillua me prezencë fizike të deputetëve.
/j.p/r.e/
