MADRID, 25 korrik /ATSH-DPA/ – Zjarret rreth 100 kilometra në perëndim të Barcelonës kanë shkatërruar 1 100 hektarë pyje dhe tokë bujqësore, tha sot Komisioni i Pyjeve i Katalonjës.
Ekzistojnë shqetësime se era, e cila zakonisht fillon rreth mesditës në rajon, do të ushqejë më tej zjarrin, për shkak të temperaturave të larta, rreth 30 gradë Celsius dhe thatësirës së madhe.
Deri në 5 000 hektarë kërcënohen drejtpërdrejt.
”Ky është zjarri më i madh i vitit në rajonin e dendur të pyjeve të Katalonjës”, shkroi gazeta ”El Periodico”.
Hiri tashmë ka arritur në pjesë të Barcelonës.
Fermerëve në rajon iu kërkua të iknin nga fushat e tyre menjëherë për të krijuar pengesa kundër flakëve në pyje.
Fundjavën e kaluar, një zjarr në veri të Costa Bravas shkatërroi 415 hektarë pyje, në rezervatin natyror ”Cap de Creus”./ a.jor.
