BERLIN, 26 qershor /ATSH-DPA/ – Autoritetet shëndetësore gjermane raportuan 592 infeksione të reja me koronavirus në 24 orët e fundit deklaroi instituti ”Robert Koch” (RKI), gati gjysma e 1 108 infeksioneve të reja të raportuara një javë më parë.
Kjo shifër është një tregues i mëtejshëm se Gjermania po përjetonte një prirje rënëse në normë e incidencës shtatëditore me vetëm 5,9 infeksione të reja për 100 000 njerëz në të gjithë vendin gjatë javës së kaluar.
Për krahasim, shkalla e incidencës shtatëditore e ditës së kaluar ishte 6,2 dhe ajo e javës së kaluar ishte 9,3.
Sipas të dhënave, 68 vdekje të reja u regjistruan në Gjermani brenda 24 orëve.
Një javë më parë kishte 99 vdekje.
Që nga fillimi i pandemisë, RKI ka numëruar 3 726 172 infeksione të konfirmuara me koronavirus.
Numri i përgjithshëm aktual ka të ngjarë të jetë dukshëm më i lartë, pasi shumë infeksione nuk zbulohen. /os/
