BUKURESHT, 17 qershor /ATSH-DPA/ – Argjentinasi Fernando Andres Rapallini është arbitri i parë joeuropian që arbitron një ndeshje në kampionatet europiane.
Rapallini do të gjykojë ndeshjen e Grupit C midis Ukrainës dhe Maqedonisë së Veriut, që luhet sot në Bukuresht.
Kjo masë është pjesë e një programi shkëmbimi të arbitrave midis UEFA-s dhe CONMEBOL të Amerikës së Jugut.
Si pjesë e kësaj marrëveshjeje, edhe gjyqtari spanjoll Jesus Gil Manzano është në Copa America që po zhvillohet në Brazil./ /os/
