SINGAPOR, 17 qershor /ATSH-ANSA/ – Të moshuarit preferojnë robotët, sipas një eksperimenti në të cilin roboti humanoid Nadine argëtoi një grup të moshuarish në një shtëpi pensioni duke luajtur bingo me ta.
I krijuar nga Universiteti i Teknologjisë ”Nayang” në Singapor, kjo makineri mund të jetë një mjet i rëndësishëm ndihme për të moshuarit si dhe një shoqërues në kohën e lirë.
“Gjithnjë e më shumë robotë humanoidë më të përparuar, si në këtë rast, po dëshmojnë se janë një zgjidhje e shkëlqyer për të integruar ndihmën aktuale, shërbimet e mbështetjes dhe monitorimit për të moshuarit ose njerëzit me defektet motorike ose njohëse”, deklaroi Filippo Cavallo, i Institutit të Biorobotikës në Universitetin e Firences.
Roboti ishte përgjegjës për thirrjen e numrave dhe zgjidhjen e çdo kërkese nga pjesëmarrësit.
Të gjitha sesionet u filmuan për të monitoruar shprehjet e fytyrës dhe gjestet e pjesëmarrësve për të vlerësuar nivelin e vëmendjes dhe të gjithë parametrat e dobishëm për të përcaktuar përfshirjen./ /os/
