TIRANË, 4 maj /ATSH – I. Vata/ KQZ ka miratuar rezultatin e zgjedhjeve për të gjithë qarqet e vendit, njëkohësisht për 140 deputetët që do të përbëjnë parlamentin e ri të dalë nga zgjedhjet e 25 prillit.
Rezultati në fjalë është për partitë dhe kandidatët për deputetë në qarqet Berat, Durrës, Dibër, Shkodër, Tiranë, Elbasan, Vlorë, Korçë, Gjirokastër, Fier si dhe Lezhë.
Ndërkohë, partitë nga ana tjetër kanë 5 ditë kohë për ankimimin e rezultateve. Kreu i KQZ-së, Ilirjan Celibashi tha se partitë mund të kenë informacionet e nevojshme, ndërsa shtoi se edhe KQZ është e interesuar për procesin zgjedhor.
Të premten e kaluar KQZ-ja miratoi rezultatin për qarkun e Kukësit.
/a.a/r.e/
