TIRANE, 27 prill/ATSH/ Komisioni Qendror i Zgjedhjeve informon se në qarkun e Shkodrës ka përfunduar numërimi i votave për subjektin politik për të 411 qendrat e votimit.
Referuar të dhënave të KQZ, Partia Demokratike kryeson. Gjithsej numëron 47209 vota ose 43.80% të votave.
Ndërkohë Partia Socialiste numëron 30296 vota ose 28.11% të votave.
Partia Socialdemokrate fitoi 16426 vota ose 15.24%, ndërsa Lëvizja Socialiste për Integrim fitoi 10102 vota ose 9.37%.
Partia Lëvizja për Ndryshim fitoi 1389 vota ose 1.29%.
Qarku i Shkodrës përbëhet nga 5 bashki. Numri total i zgjedhësve në listë ishte 272078, ndërsa kanë votuar 113897 votues.
