OTAVA, 16 mars /ATSH-AFP/ – Komiteti shkencor që këshillon qeverinë e Kanadasë për vaksinimin zgjeroi sot rekomandimin e tij për përdorimin e vaksinës AstraZeneca kundër COVID-19 për personat e moshës mbi 65 vjeç .
Ky është një ndryshim i qëndrimit për Komitetin Këshillues Kombëtar për Imunizimin (NACI), i cili, në fillim të marsit, rekomandoi në vend që të kufizonte përdorimin e vaksinës AstraZeneca për personat nga 18 deri në 64 vjeç.
NACI theksoi në një njoftim për shtyp se kishte marrë parasysh tre studime të fundit mbi efektivitetin e vaksinës “në një situatë reale” për të mbështetur këtë ndryshim në rekomandim.
“Komiteti fillimisht kishte kufizuar përdorimin e vaksinës për personat e moshës 18 deri në 64 vjeç duke pasur parasysh numrin e vogël të personave mbi 65 vjeç që kishin marrë pjesë në provat klinike të fazës 3 të vaksinës së AstraZeneca”, theksoi ai./ /ec/
