TIRANË, 15 janar/ATSH/ Përgjatë gjithë ditës së sotme bashkia e Përrenjasit është angazhuar që mos krijohen probleme nga dëbora e rënë.
Specialistët e bashkisë informojnë se fshatrat më të largëta kanë qenë në vëmendje për të mos u izoluar nga dëbora dhe ngrica dhe lëvizja të vazhdojë normalisht.
Në rrugët e fshatrave është hedhur kripë duke bërë që rrugët të jenë të gjitha të kalueshme duke mos krijuar probleme për banorët e zonë.
“Fshatrat në njësitë administrative deri më tani nuk paraqesin as një problem kjo edhe falë ndërhyrjes së menjëhershme nga Drejtoria e Punëve Publike duke hedhur kripë në fshatra të largëta si Pishkash Veri, Bardhaj, Rrajcë-Skënderbej, Stravaj, ndërhyrje ka pasur edhe në fshatra të tjera, duke bërë që të gjitha rrugët të jenë të kalueshme”, informon bashkia Përrenjas. /a.a/r.e/
