PODGORICË, 2 dhjetor /ATSH-DPA/ – Parlamenti i Malit të Zi hapi sot debatin për kabinetin e kryeministrit të caktuar Zdravko Krivokapic, i pari në 30 vjet që nuk do të drejtohet nga partia e socialdemokratëve (DPS) të presidentit Milo Gjukanoviç.
“Autoritetet e reja do t’i japin përparësi ekonomisë, duke luftuar COVID-19 dhe Shtetit të vërtetë të së Drejtës”, tha ai.
Krivokapic po kryeson një koalicion të brishtë të bërë bashkë për qëllimin e vetëm të përbashkët të zhvendosjes nga pushteti të DPS-së dhe bashkë me të edhe të Gjukanoviçit.
Kryeministri premtoi, gjithashtu, përparësi të veçantë për ndryshimin e ligjit të diskutueshëm mbi komunitetet fetare, që shkaktoi protesta në mbështetje të Kishës Ortodokse Serbe (SPC) në fund të vitit të kaluar.
Edhe pse shumica e deputetëve planifikojnë të marrin pjesë në debat, votëbesimit nuk pritet para së enjtes, ndoshta edhe së premtes./ /ervo/
