TIRANË, 29 qershor/ATSH/ Inspektorati Kombëtar i Mbrojtjes së Territorit ka nisur një aksion në funksion të ndërtimit të bypass-it të Tepelenës.
IKMT ka ndërhyrë për prishjen e 6 objekteve përgjatë lotit 1 të këtij bypass-i.
6 objektet që kanë nisur të prishen nga IKMT janë nga 1 deri në 3 kate, pronarët e të cilëve janë shpronësuar.
Bypass-i i Tepelenës një nga investimet më të mëdha dhe strategjike të zhvilluara ndonjëherë në qytetin jugor të vendit, lidh segmentin Levan-Tepelenë me segmentin Tepelenë-Kakavijë.
I cilësuar ndryshe edhe si “Ballkoni i Jugut”, vepra infrastrukturore i shton bukurinë dhe rrit standardet urbane, krahas krijimit të mundësive për investime të reja në fushën e turizmit.
Ky është një investim i qeverisë, në vazhdën e projekteve të zhvillimit të infrastrukturës së vendit, që i jep zgjidhje njëherë e përgjithmonë problemeve në këtë pjesë të rrugës me gjatësi 1.8 km, që shpesh ishte burim aksidentesh.
/m.m/ /a.g//r.e/
