TIRANË, 21 qershor /ATSH/ – Tregu i këmbimit valutor gjatë javës 15-21 qershor 2020, ishte i qëndrueshëm.
Sipas kursit zyrtar të Bankës së Shqipërisë, euro u karakterizuara nga një qëndrueshmëri konstante gjatë kësaj jave, duke regjistruar luhatje të lehta të vlerës nga 124.29 që ishte ditën e hënë, në 124.30 lekë dtën e premte.
Ndërsa dollari amerikan shënoi një rritje të lehtë gjatë javës me 0.4 lekë. Monedha e gjelbër amerikane këmbehet këtë fundjavë me 110.83 lekë kundrejt 110.55 lekë që ishte ditën e hënë.
Paundi britanik rezulton se ka ndjekur një trend zbritës të lehtë, duke shënuar një rënie me 1 lekë nga dita e hënë deri në fundjavë. Paundi britanik këmbehet në fundjavë me 137.6 lekë kundrejt 138.49 lekë që regjistroi ditën e hënë.
Ndërsa franga zvicerane pësoi një zbritje të lehtë ditën e martë dhe u forcuar sërish në ditët në vazhdim duke arritur vlerën e 116.52 lekëve këtë fundjavë ndaj vlerës 116.22 lekë që u këmbye ditën e hënë. /j.p/
