PERUXHA, 14 qershor /ATSH-ANSA/ – Gjendet çelësi i superkujtesës, që ju lejon të mbani mend detajet më të vogla edhe pas shumë vitesh, sipas eksperimentit të publikuar në revistën ”Cortex” nga fondacioni ”Santa Lucia” në Romë, në bashkëpunim me dy universitete italiane.
Identifikimi u krye duke përdorur imazhe funksionale të rezonancës magnetike për të vëzhguar trurin e një grupi vullnetarësh që punojnë për të rindërtuar ngjarje 20-vjeçare.
Studimi identifikoi fushat e trurit që lejojnë kujtimet, të ashtuquajturat ”hipermemory”, duke organizuar informacione që tek njerëzit e zakonshëm mbeten kujtime të pasakta dhe të paqarta.
Studiuesit u kërkuan të kujtojnë një ngjarje para 20 vjetësh 8 personave ”hipermemory” dhe 21 personave pa aftësi të veçanta ose deficite të kujtesës.
“Rezultatet tregojnë se mes kujtimeve autobiografike të vjetra dhe të reja, te njerëzit me hipermemorje ka një specializim të lartë në pjesën ventro-mediale të korteksit prefrontal të trurit, zonë që besohet të jetë përgjegjëse për organizimin e funksioneve njohëse më të larta”, theksuan studiuesit. /os/
