JERUZALEM, 20 prill /ATSH-AFP/- Kryeministri izraelit, Benjamin Netanyahu dhe ish-rivali i tij Benny Gantz njoftuan sot formimin e një qeverie uniteti dhe emergjence, duke i dhënë fund krizës më të gjatë politike në historinë e vendit në mes të pandemisë së COVID-19.
“Një marrëveshje për formimin e një qeverie kombëtare të urgjencës u nënshkrua nga Benjamin Netanyahu, kreu i Likud dhe Benny Gantz, lideri i partisë Bardheblu”, njoftuan formacionet politike të tyre në një deklaratë.
Pas zgjedhjeve legjislative më 2 mars, e treta në më pak se një vit, presidenti Reuven Rivlin ia besoi Gantz-it detyrën e formimit të qeverisë së ardhshme.
Në mes të një pandemie të re të koronavirusit, Gantz i hapi rrugën një qeverie uniteti dhe emergjence me Benjamin Netanyahu-n, i akuzuar për korrupsion në një sërë çështjesh, duke kundërshtuar angazhimin e tij për të mos e ndarë pushtetin me kryeministrin në largim, përsa kohë që ky i fundit nuk i zgjidhte problemet e tij me ligjin./ /ervo/
